Қош келдің, Жаңа жыл!

«Қош  келдің, Жаңа жыл»  атты ертеңгілік

2 кіші топ

Музыка  әуенімен  балалар  залға  кіреді.

Жүргізуші:  Балақайлар, алақайлар,

                      Жаңа  жылға  қош  келдіңдер.

                      Жер  жүзінде  бұл  мереке,

                      Тойланады  баршамен.

                      Бізде  шетте  қалмайық,

                      Мерекені   тойлайық.

Жүргізуші:  Құрметті  қонақтар  және  ата-аналар! Бүгінгі «Қош  келдің  Жаңа жыл» атты  мерекемізге қош келіпсіздер! Келе  жатқан жаңа «Тышқан» жылы  барлығымызға жаңа бақыт, жаңа  табыстар және  отбасымызға молшылық  алып  келсін.Мереке  құтты  болсын ата-аналар!Мерекемізді  бастайық. Тақпақтармен  бастаймыз.

Әлтаир:  Жылдың  әнін  бастайын,

                 Аяз  Ата  кеп  қалды.

                 Майысады  жас  қайың,

                 Көтере  алмай  көп  қарды.   

Нұрай:   Бақша  іші  мереке,

                Ойын   күлкі  асқақ  ән,

                Жақсы  әпкелер  жаңа  кеп,

                Мерекені  бастаған.

Танзиля:  Безендіріп   шыршаны,

                 Жыл  қуантты  баршаны,

                  Той-маскарад басталды,

                  Аяз  оны  басқарды. 

Алижан:  Аппақ   тонға   оранып,

                  Базарлықты  мол  алып,

                  Келді  алыс  сапардан,

                  Аяз ата  оралып.  

Тамиржан: Аяз ата, ақ ата,

                     Аузы-мұрны жоқ ата!

                    Аяз ата келіп тұр,

                    Бізге сыйлық беріп тұр.

Айдын:   О, алақай, Аяз ата,

                 Келе жтыр алыстан!

                 Кел билейік үйренейік,

                Ол келгенше жаңа жыл

                  Құтты болсын, құтты болсын,

                  Құтты болсын жаңа жыл!

Адина:   Кел балақай шырша дайын,

                Қол ұстасып ән салайық.

               Жаңа жылдың жарқын айын,

              Әнмен, бимен қарсы алайық.

Назым:  Жасыл желен жамылған,

                Асыл моншақ тағылған.

                Міне сұлу шыршамыз.

                Көптен күтіп сағынған.

Егор:   Тауда туып,

             Тауда өсіп

            Шырша келді ортаға.

 Жүргізуші:  Ой  балалар  мен бір дыбыс естідім,бізге  біреулер  келе  жатқан  сияқты.Қане   көңілдірек  отырып, қол  соғайық.Сонда  олар  бізді  тез тауып  алсын.

Музыка  әуенімен  залға  Ақшақар  келеді.

Ақшақар: Сәлеметсіздерме  балалар, мында  көп балалар екен.Ұлдарда  бар, қыздарда  бар. Салеметсіздер ме қонақтар, балалар!  Жаңа жыл мерекелеріңмен! Мен  Ақшақармын.Аяз атаның  немересімін.

Жүргізуші: Сәлеметсің бе, Ақшақар! Біз  сені  көргенімізге  өте  қуаныштымыз.Аяз атамыз  қайда? Ол сенімен  бірге  келдіме? Аяз  ата  әлі  келген жоқ.

Ақшақар: Жолда   адасып  кетті ме екен?

Жүргізуші: Балалар  қане  барлығымыз  Аяз ата деп  шақырайық.

Балалар: Аяз ата,Аяз ата деп  шақырады.

Аққала: (Есіктің сыртында тұрып)

Мен мындамын, мен мындамын!( деген сөз естіледі.)

Акшакар: шыршаның айналасын қарап шығады.

Қайдасың?

Аққала: Мен мындамын.

Ақшақар шыршаның басқа жағын қарайды.

Қайдасың?

Ақшақар: Сен қайдасың?

Аққала:( басқа жағынан) Мен мындамын.

Акшакар:Балалар мынау кім? Мынау не?

Балалар: Бұл Аққала ғой.

Аққала: Тұра тұр, Ақшақар, мен мындамын! Мен Аққаламын!

Ақшақар: Жоқ, мүмкін сен Аққала емес шығарсың?

Аққала: Қалай, мен Аққаламын?

Міне, мен аппақпын!

Ақшақар: Қоян да аппақ!

Аққала: Ал менде сыпырғышым бар.

Ақшақар: Жалмауыз кемпірде де сыпырғыш бар.

Аққала: Ал былай ұқсаймын ба? (Аққала өз суретін көрсетеді)

Ақшақар жылынады.

Ақшақар: Ой, сен ұқсайсын! Сен біздің балалармен билеші!

Балалардың көңілін көтерші.

(Музыка ойнайды, Аққала билейді)

Би: «Аққала» (ұлдар)

Аққала: Балалар сендер менің көңілімді көтердіңдер! Қуанғанымнан мен ери  бастаған сияқтымын.

(Аққала отырады)

Жүргізуші: (Шошып)

 Балалар қаттырақ үрлеңдер, суық болсын!

Аққала: Еріп барамын, еріп барамын.Көмектесіңдер!

Жүргізуші: Балалар үрлеңдер.

Аққалаға үрлейді.

Ақшақар: Не болды саған Аққала? Сен ауырып қалған жоқсың ба?

Аққала: Үрлеңдер, жақсы болдым енді.

Ақшақар: Сен бізді қатты қорқыттың!

Аққала: Менің  жай ойнағаным ғой!

Ақшақар: Ойнадың! Сен қусың! Қане, бізбен бірге ойна!

Аққала: Мен келісемін!

Жүргізуші: Аққаламен бірге ойын ойнаймыз.

Ойын: «Аққала жинау»

Аққала: Мен сияқты аққала жинап беріңдерші. Ал, қане бастайық!

Ақшақар: Балалар, Аяз ата қайда екен, шақырып көрейік.

Жүргізуші: Балалар  қане  барлығымыз  Аяз ата деп  шақырайық.

Балалар: Аяз ата,Аяз ата деп  шақырады.

Музыка  әуенімен  Аяз  ата залға  кіріп  келеді.

Аяз  ата; Қымбатты  балаларым, міне  мен сендерге  алыстан  келіп  жеттім. Жол  жүру  оңай  болған  жоқ.Сендерді  көргеніме  өте  қуаныштымын.Сендерді   көрмегелі  1 жыл  өтіпті.Жаңа  жыл  мерекелеріңмен құттықтаймын.

Аяз  ата: Ой  қандай  әдемі, керемет  шырша! Ойыншықтары да  әдемі,көрікті  екен.Балалар  сендерге  шырша  ұнайды  ма?

Балалар:  Иә.

Жүргізуші: Біздің  шырша  өте  керемет, сұлу  және  әдемі! Шыршамыздың шамдары жарқыраса,одан да керемет  болушы  еді.

Аяз  ата:    «Қуант  бізді, таңырқат,

                     Шамдарыңды  жарқырат.

Жүргізуші: Ал, енді балалар Аяз атамен бірге шыршамызға арнап ән айтайық.

Ән: «Шырша»

Жүргізуші:   Балалар шыршамыздың  шамдарын да жағып  алдық. Ал ендеше Аяз ата, Ақшақар  алыс жол жүріп шаршаған боларсыздар  отырып, балалардың өнерлерін  тамашалаңыздар. Біздің балалар  осы шыршамызға  арнап  тақпақтар  айтады.

Айша:   Жаңа  жыл,жаңа  жыл,

              Жаңа  жылда  жаңа  жыр!

              Жасыл  шырша  жанында,

              Жадырап  бар бала  жүр.

Даниал:  Тамаша, тамаша,

                 Шыршамыз  тұр  жараса,

                 Басында  әсем  жұлдызы,

                 Көз  тоймайды  қараса.

Ханшайым:  Жасыл  желек  жамылған,

                          Асыл  моншақ   тағылған,

                        Міне  сұлу  шыршамыз,

                        Көптен  күтіп  сағынған,

                         Кел  балалар келіңдер,

                        Тамашаны көріңдер.

Бахтияр:  Жаңа  жылым  мол болсын,

                    Басқан  қадам  мол болсын,

                     Төрле,төрле жаңа жыл,

                     Бізге  құтты  жыл болсын     

Алишер:   Аяз  ата  келіп тұр,

                    Бізге  сәлем  беріп тұр.

                   Сақалының  ұзыны-ай,

                   Кесіп  алсам шіркін-ай

Ерасыл: Жылдың әнін бастайын

                 Аяз ата кеп қалды

                 Майысады жас қайың

                 Көтере алмай көп қарды.

Айзере:   Аппақ, аппақ жапалақтап

                 Қар жауады тымбастан.

                 Қалың орман қар жамылған,

                 Маужырайды түнгі аспан.

Алихан:   Ақ қар жапты даланы,

                  Ақ жамылды айнала

                  Жарқыратып шамдарын,

                  Шырша келді ортаға.

Аққала: Ал маған арнап ән айтасыңдар ма?

Жүргізуші: Иә, Аққала саған да арнап ән айтамыз.

Ән: «Аққала»

Аққала: Ал мында не тұр, бұл не екен. Бұл, қар екен ғой. Балалар бұл қармен ойын ойнайық.

Аққала қуанып қар лақтырады. Шыршаның артынан дыбыс естілді.

 Қоян: Ой,ой, ой!

Аққала: Не болды?

Қоян: Мен қоянмын! Мен қорқақпын! Қалың қарға тығыламын. Қасқырдан және түлкіден қорқамын. Бәрінен жасырынып орманға қашамын.

Аққала: Сен қоян бізден қорықпа. Сен қорықпай тыныштал.Біз сені ренжітпейміз. Ең жақын достарыңбыз.

Қоян: Ендеше мен қорықпаймын, сендермен бірге көңіл көтеремін! Ал, қане, балалар! Маған өз билеріңді көрсетіңдерші.

Би: «Шырша» (қыздар билейді)

Қоян: (Тыңдайды) Мен бір дыбыс естіп тұрмын. (Қасқыр шығады.)

Қоян: Ой,ой, ой! Мында үлкен қасқыр келе жатыр. (Қоян қашады, қасқыр қаппен кіреді.)

Қасқыр: Бұл қандай шу?

Жүргізуші: Сәлеметсің бе, қасқыр. Орманнан адасып келдің бе?

Қасқыр: О-о-о-ох! Аштыққа мен қаталмын. Үшінші күн менің қарным аш, менің тамақ ішкім келіп тұр, ешкімді тындамаймын.

Жүргізуші: Сен ырылдағанша балалармен ойнамайсың ба?

Ойын: «Қоян мен қасқыр»

Қасқыр: Менің қабым тағы бос, тағы да аш ұйықтаймын.

Жүргізуші: Қасқыр, сен көңіліңді түсірме, қабыңды ал бізге қонаққа кел, біз саған риза боламыз. Біз  түскі аспен бөлісеміз.

Қасқыр:Мен кәмпитті де жақсы көремін!

Жүргізуші: Ал сен Аяз атадан кәмпит сұра, ол саған міндетті түрде береді.

Қасқыр: Көп-көп рахмет! Мен қуаныштымын. Мен сендерге міндетті түрде қонаққа келемін.

Аққала: Біз көңілді ойнадық, ән айттық, биледік.

Енді бізге кету керек. Сау болыңдар балалар!(Аққала, Қоян, Қасқыр кетеді)

Жүргізуші: Балалар біздің әсем шыршамызға арнап би билейік.

Би: «Поровоз»

Аяз ата: Балалар жарайсыңдар! Сендер ән айттыңдар, би биледіңдер. Осы үшін менен  сыйлық бар.

(Аяз ата жан-жағына қарайды, қабын таба алмайды)

Ақшақар: Аяз ата сыйлықтар қайда?

Аяз ата: Сыйлықтарды орманда жоғалтып алғанмын ғой.

(Ақшақар сыйлықтарды шыршаның артынан барып іздейді, бір кішкентай қап тауып Аяз атаға көрсетеді.)

Ақшақар: Аяз ата бұл қап па?

Аяз ата: Жоқ, менің қабым үлкен.

(есік қағылады, есіктің ар жағынан Аққала мен қоян кіріп келеді)

Аққала: Ештеңе жоғалтқан жоқсыңдар ма?

(Аққала мен қоян қап әкеп береді)

Аяз ата сыйлықтарды  таратады.

Ақшақар: Ата, мен саған көмектесейін.

Аяз ата: Міне балалар біздің кететін уақытымыз келіп қалды. Жаңа жылда жылымыз баршамызға жақсылық әкелсін.

Ақшақар: Сендер үлкен болып өсіңдер, алаңсыз өмір сүріңдер, келесі жылы біз Аяз ата екуіміз сендермен қайтадан кездесеміз.

Сау болыңдар!